"Mag-asawa, Toyo?"

ACCCCHHHOOOO!!!!
huh, yanig ang buong kwarto ko pagkagising pa lang.  runny nose, slight headache at nangangating lalamunan.  Nay ku po... Pasok na ang Ber months, uso na naman ang trankaso... gotta do something, ayokong umabsent sa barberya.

halungkat! halungkat! halungkat!... asan na ba yun...?
ah eto, isang paracetamol, dapat daw mag-asawa. paano na ba ito, bachelor ang nakuha ko... paano ko pag-aasawahin itong gamot ng 4:30 ng umaga. problema ito, saan ko hahanapan nang asawa ito. e kung ayaw mag asawa nitong paracetamol, anong magagawa ko, or engaged na siya sa iba, hmmm ano ba itong naiisip ko, eh sino ba kasi nagterm sa 2 gamot na mag asawa, pwede naman magka-team, magkapatid kaya or magpinsan. are we right on giving terms sa mga bagay.

tulad halimbawa ng toyo, paano ka uutang kay Aling Titay Hiblood ng toyo sa umaga lalo't wala pang benta, sige nga.
 subukan mo ng di nasigawan ka... biro mo, magtatanong ka na kung may toyo ka ba Aling Titay, tapos uutangan mo? ano ba yan, kahit baligtarin mo, yun pa din bagsak mo.

asan bang cellphone ko, matawagan na lang si ka IGme, dut dit dat dut dit dat dit dat dit... trrnnng! aba, ok sa ring back si ka IGme, Hawaii Five O... tanananantantan, tananannan.. herrro, sagot sa kabilang linya.

ka Igme sorry sa abala, masama ang pakiramdam ko, parang tatrangkasuhin ako, wala naman ditong mag-asawang gamot..

Tomas, dyaske kang bata ka, alas por pa lang ng umaga, at sinong maysabi sa iyong mag asawang gamot ang iinumin mo,, prut jus, tubig ang laklakin mo, viral infection yan, sabi ko nga ba, takaw na takaw sa ice cream kanina. at wala ng mag asawang gamot ngayon, annulled na, wala ka bang alam?

kaya nga tumawag ako sa inyo..naalala ko, magluluto nga pala ako nang adobong manok now, wala nga pala akong toyo...

eh ka IGme, may toyo ba kayo...?

buset, agang-aga mambubulahaw ka tapos ako'y tatanungin mo laang kung ako'y may TOYO.!  ahhhhhHH.! tut twet tttttttttttttttweeeeet. tuoooot! toooot!

pinatayan ako ng linya, bakit kaya?