Anong oras na ba? Bakit ang init-init na agad? Nasaan na ba ako?
Bumangon ako at pumunta sa banyo, tutal maaga na din, tulog pa mga kasama ko, tumapat ako sa dutsa.
Binuksan ko ang tubig ng dutsa at, whew!, kahit cold ang label ng valve, mainit pa din ang lumalabas.
Itinuloy ko na at habang tumutulo ang tubig, nagbalik sa alaala ko ang nakaraan.
"Hindi ka magiging valedictorian." ang sabi ng elemantary teacher ko noon.
"Kahit bilhin nyo ang buong school", ang padagdag nyang sinabi.
Sa murang isipan ko noon, tumatak ang salitang iyon.
"Bakit po?" ang tanong ko sa guro kong iyon.
" Kasi ikaw ay isang immoral!" ang sigaw nya sa akin.
Naging palaisipan sa akin ang sinabi nyang iyon. Pag uwi ko, gusto ko tanungin ang magulang ko but
pagdating ko, nag-aaway ang nanay ko at ang tiyahin ko. Hindi ko mawari but yung naririnig ko,
tungkol sa pagkatao namin, ako, kaming magkakapatid.
At sa narinig ko, daig ko pa ng binuhusan ng nagyeyelong tubig sa aking natuklasan.
Walang tumulong luha ng ako ay tumingin sa nakakatandang kapatid ng ina ko. Malaki ang galit at ako
ang napagbalingan, nahagip ang uyo sa may lutuan at ipinalo sa akin iyon hanggang sa madurog. Napa
iyak ako sa sakit at bigla nya akong binitawan sabay sabing, " Ang mga dugong asong tulad nyo ay wa-
lang puwang sa mundong ito." Sabay tulak sa akin at umalis na.
Napaupo ako sa sakit at sa isang pagkatuklas na nanatiling walang sagot kahit nang ako ay lumaki na.
Ano ang kasalanan ko sa mga pangyayayari, bakit ako idinamay?
No comments:
Post a Comment