"Hay, mama, pakibilisan ho naman." sabay buntong hininga ko.
Ano ba namang tricycle driver ito, ginawang `Tour de France ang pagpunta sa alma mater ko.
Kay lapit lapit ng pupuntahan, ginawang tourist destination ang route papunta sa school.
Tsk, ayoko sana umattend kasi may iniiwasan akong tao, but kakainip naman sa bahay, walang magawa. Wala na din mga anak ko at busy sa kanilang extra curricular activities.
"Mama, bababa na lang ho ako."
"Bawal po dito, manang."
Aba, loko ito ah, manang eh kaganda ganda ko pa. Mukha na ba akong manang? Di hamak naman na maganda at may asim pa naman ako. Kundi nga lang pumanaw Mr. ko, ako na siguro ang papalit sa puwesto ni buddha dahil sa dami ng anak o sa taba. Nung naturuan ako ng isa namin na kaeskwela sa pagdi diet at naging effective, naging sexy ako. Inatake naman si Mr. nung isuot ko yung bagong bili nyang nighties, ehek, napunta tayo sensor ah.
Saan naman kaya yung babaan na yun, di naman kaya mag bus ako nito?
Asenso na pala ang Lipa, samantalang dati, walang Jollibee, Mcdo at kung ano ano pa.
Di tulad dati, magpapalamig, sundot saging at camote, sunog na dahon saging naaamoy mo.
Time has change, really.
"Excuse"
Aray!
Natapakan ang bagong manicure kong paa, aray, aray naman, bastos na yun, dire-dretso na lang. Daan muna ako dito sa Cathedral, ayusin ko muna itong paa ko.
Naaalala ko dito sa cathedral, nung pumapasok ako. Madalas tambayan ito ng mga estudyante, ranging from religious to kopyahan ng assignment, up to sa magsing irog na nagsusumpaan.
He he he, isa na din ako doon.
Kumusta na kaya ang mokong na yun?
Sino kaya napangasawa?
Ilan na kaya anak?
Andiyan kaya siya?
Ano na kayang waistline nya, Este, ano ba yan, napunta sa waistline?
Ang tao talaga, iba iba, di mo talaga makikilala kapag walang bonding na nangyari.
Dito sa Patio, lalo pag may exam, makikita mo mga estudyante, dasal, alay, dito ko rin nakita na kahit siga pala, nagdadasal din.
Marami na palang tao, di ko na marecognize kung sino sino...
No comments:
Post a Comment