Breaktime!
"Haaaay at last, simula na nang concert!" Grupo na kaming magkakaibigan babae at habang kumakain, pasalit-salit naman sa pagkanta.
"Ate Celine, pahiram naman, meron ka na pala ng kopya." Si Carol, ibang section but kaibigan ng lahat.
"Mamaya na Carol, at isasabit ko lang sa bintana itong si Celine.", sabad ni Rocky habang papalapit sa amin.
"Hep, tapos na.! harang naman ni Thelma
"Gusto mo, sa akin ka dadaan? si Hilda, kanang kamay ni Celine.
"Eh kung yakyakin kita jan Hilda, dadaanan pala ha? sagot ni Rocky.
"Di na uy, Celine, kailangan ka daw ni Rocky", sabay punta sa likod ni Celine si Hilda.
"Bakit, anong kailangan? tanong ko kay Rocky.
"Celine, masakit ginawa mo sa akin ha?"
"Ayaw mo ibigay eh! paaskad kong sagot.
"Teka, nanghihiram ka lang, di ka ba makahintay? mahinang sagot ni Rocky.
"At bakit, sa iyo ba yun?
"Oo!"
Nge! Patay. Inulit ko ang tanong ko.
"Sa iyo ba yon?
"Malamang, kita mo pati sina Eric, waiting din, ask mo si Rico, binili pa namin sa palengke yun."
"Naku, I'm sorry."
"Sorry, sige kung di labag sa loob mo yan, patatawarin kita, sa isang kundisyon."
Kinakabahan na ako sa susunod nyang sasabihin, baka yung "halik" ang kapalit, ewww, virgin pa labi ko mokong.
"Ilan ba tayo Corics? apat? ok Celine, apat na special lomi sa kubo mamayang lunch. OK?
Langya, special pa, ubos allowance ko, di bale hiram muna ako kay Winnie mamaya, balik ko na lang bukas.
"O sige, pagkamahal nang kapalit ng songhits at sampal ah, sana sinuntok na lang kita."
"Celine, Celine, bawat gawin mo sa akin na sakit, may kapalit iyon na kailangang gawin mo."
"Eh bakit, pag sinuntok kita ano kapalit noon?"
Humarap sa akin at nagdrawing ng puso sa tapat ng dibdib sa pamamagitan ng daliri, anyong kinuha ang puso at sabay hinipan papunta sa akin...
Di ako nakailag kahit sa drama lang, tulala akong nakatingin sa kanya.... ang bilis ng pintig ng puso ko.
No comments:
Post a Comment